Арумы, туганый

Чистай
Халкыбызның милли мәдәниятен өйрәнү, саклап калу, үстерү, гореф-гадәтләрен, бәйрәмнәрен яңадан торгызу максаты белән, Чистай районында октябрь ае керәшен мәдәнияте айлыгы дип игълан ителгән.

Айлык барышында мәктәпләрдә, мәдәният йортларында керәшен сәнгатенә багышланган күргәзмәләр, бай эчтәлекле мастер-класслар, керәшен фольклор коллективларының сәхнәләштерелгән йола күренешләре, концертлары уза. Бу чарада күбрәк авыллар катнаша, барысы да үзләренең гореф-гадәтләрен, тарихи байлыкларын күрсәтергә ашыга. Октябрь аеның соңгы числоларында шәһәр һәм авылларны барысын бергә җыеп йомгаклау кичәсе үткәрәчәкбез, дип сөйләде Чистай районы керәшен оешмасы җитәкчесе Лидия Андреева.