Артур һәм Светлана Сәләхиевлар гаиләсендә кыз туды

Дуслар, бездә шатлыклы хәбәр! “Бәрәкәт” керәшен яшьләр хәрәкәте активисты Артур Сәләхиев гаиләсендә кыз туды. Чын күңелдән котлыйбыз! “Исеме ничек буласын әлегә әйтә алмыйм, хатыным белән бер исемгә тукталдык, бәлки шулай да булыр, нинди икәнлеге әлегә сер булып калсын. Исән сау булсыннар, кызның авырлыгы 3155 грамм, буе 53 см”, — диде шатланып әти кеше.

Кызыгыз акыллы булып үсүен, гаиләгезгә сәламәтлек, бәхет, иминлек, балагызны тәрбияләүдә сабырлык, бары тик рәхәт мәшәкатьләр, куаныч-сөенечләр телибез!