Җанисәп алуны ил халкының күпчелеге кирәкле чара дип исәпли

Андыйлар барлыгы 75 процент тәшкил итә. Халык фикерен өйрәнү фонды тарафыннан шушы елның октябрь аенда Россиянең 53 регионындагы 104 шәһәрдә һәм авылларда  уздырылган сорашу-тикшерү шуны күрсәткән. Анда 18-53 яшьләрдәге бер мең ярым кеше катнашкан.18-30 яшьлекләрнең 47 проценты җанисәп алуда катнашуны һәркемнең бурычы дип саный. 60 яшьтән узганнарның 53 проценты халык санын алучыларның үзләре янына өйгә килүләрен өстен күрсә, җанисәп алу участокларына барырга теләүчеләре – 13 процент. Аның каравы, 18-30 яшьлекләрнең – 48 проценты, ә 31-45 яшьлекләрнең 39 проценты, үзләре өчен уңайлы дип, онлайн-җанисәпне сайлый.