Алан-Полян һәм Үри авыллары китапханәләрендә геройларны искә алганнар

Бу көнгә карата Алан-Полян авылы китапханәсендә "Шул бөек елларга табынабыз! " дигән тарихи сәгать үткәрелде.
“Укучылар бәйрәмнең кыскача тарихы һәм Балык Бистәсе районында туган, Дан Ордены һәм Кызыл Йолдыз ордены белән бүләкләнгән Бөек Ватан сугышы геройларының биографияләре белән таныштылар”, – диде китапханәче Галина Григорьева.
"Һәр төбәк, һәр ил тыныч хезмәттә, изге яуда батырлык, чиксез каһарманлык үрнәге күрсәткән геройлары белән горурлана. Безнең китапханәдә дә "Ватан Геройларының батырлыгы мәңгелек" исемле китап күргәзмәсе ясап куелды. Укучылар белән күргәзмәгә куелган китаплар буенча күзәтү үткәрелде", – диде Үри авылы китапханәчесе Рузилә Вәлиуллина.