Алабуга шәһәрендә танылган карендәшләребез кардан Яңа ел символын ясаганнар

Виктор Селиверстов талантлы рәссам буларак билгеле, ул – Татарстан рәссамнары Берлеге члены, Бөтенроссия Спас ярминкәсенең даими катнашучысы. Әлеге ярминкә ел саен Алабуга шәһәрендә үтә. Шулай ук, рәссам шәһәр, республика, региональ күргәзмәләрдә һәм симпозиумнарда актив катнаша. Аның хезмәтләре Татарстан һәм Россиянең шәхси коллекцияләрендә урнашкан.

Илья Максимов - Татарстан рәссамнары Берлеге члены. Татарстанга этник темага карата ясаган картиналары белән кадерле. Аның эшендә керәшеннәрнең тарихы, күңеле һәм язмышы чагыла.

“Шушы көннәрдә Алабуга шәһәрендә алар тырышлыгы белән Яңа ел символы – зур куян пәйда булды. Куян янында олысы да, кечесе фотога төшә. Һәрберебезнең күңеле Яңа елда ниндидер могҗиза көтә кебек. Кардан ясалган әкияти куян, бигрәк тә барыбызда да якты, шатлыклы хисләр уята”, – дип язды “Ак каз” фольклор ансамбленең җитәкчесе Нина Елизарова-Салимуллина.