Җәкәүлеләр мобилизацияләнгәннәрнең балалары белән очрашты

22 ноябрьдә Яков Емельянов исемендәге мәдәни үзәк белгечләре Казан шәһәренең “Адымнар” өстәмә белем бирү үзәгендә өлешчә мобилизациягә эләккәннәрнең балалары өчен мастер-класслар оештырган.

Җәкәүлеләр хәбәр итүенчә, әлеге чарада барлыгы 130 бала катнашкан. Аларны дүрт отрядка бүлеп, дүрт төрле юнәлеш буенча мастер-классларга юнәлткәннәр.

Мастер-классларга килгәндә, Яков Емельянов исемендәге мәдәни үзәкнең методисты Илүзә Галиуллина думбрада уйнарга өйрәткән, Аида Сахарова этно-дәрес уйздырып, керәшеннәр турында сөйләгән, хореограф Лиана Самойлова керәшен халык биюен биергә өйрәткән, ә алып баручы һәм юмор остасы Дмитрий Баранов балалар белән кызыклы халык уеннары уйнаган.

Һәр бала да үзенә кызыклы юнәлештә катнашып, уңай эмоцияләр алган.

Фото: Илүзә Галиуллина