12 июнь — Россия көне

Әлеге көнне Россиянең туган көне дип тә атап йөртәләр. 1990 елда Россия Совет Федератив Социалистик Республикасының беренче халык депутатлары съезды Республиканың дәүләт суверенитеты турында декларация кабул итә. Ике елдан соң РСФСР Югары Советы 12 июньне дәүләт бәйрәме — Россия Федерациясенең Дәүләт суверенитеты турында декларация кабул ителгән көн дип игълан иткән. 1994 елда Россия Президенты Указы белән 12 июнь — дәүләт бәйрәме дип игълан ителә. Башта бу бәйрәм Бәйсезлек көне дип аталса, 2002 елдан Россия көне дип йөртелә башлый. Бүген инде шушы дәвердә дәүләтнең нинди үзгәрешләр кичерүе күз алдында. 

Бу — дәүләтебезнең иң зур бәйрәмнәренең берсе. Бәйрәмнең асылы — милләтләр бердәмлеге һәм илебез киләчәге өчен барыбызның да җаваплы булуы. Россия хезмәт сөючән, сәләтле, туган җиренә файда китерергә омтылган кешеләре белән көчле. Без үз Ватаныбыз белән горурланабыз, аны көчле, куәтле итеп күрергә телибез. Бердәм, тату булыйк!