Туганайлар

Япон кызы әбисе телен өйрәнә

19 - 22 апрель көннәрендә Казанда татар теле һәм әдәбияты буенча IV Халыкара олимпиада узды. Анда төрле илләрдән 11 меңнән артык мәктәп укучылары һәм студентлар катнашты. Алар арасында керәшен тамырлары булган япон кызы - Александра Мидзуки Накамура да бар иде. Йомгаклау турында Япония, Төркия, Бельгия, Финляндия, Белоруссия, Франция, Казахстан, Үзбәкстан,...

19 - 22 апрель көннәрендә Казанда татар теле һәм әдәбияты буенча IV Халыкара олимпиада узды. Анда төрле илләрдән 11 меңнән артык мәктәп укучылары һәм студентлар катнашты. Алар арасында керәшен тамырлары булган япон кызы - Александра Мидзуки Накамура да бар иде.

Йомгаклау турында Япония, Төркия, Бельгия, Финляндия, Белоруссия, Франция, Казахстан, Үзбәкстан, Әзербайҗан, Австралия, Төркмәнстан һәм Кыргызстаннан килгән укучылар һәм студентлар катнашты. Шулай ук иң яхшылар исеменә Россиянең 24 субъектыннан да көч сынаштылар.

Татар теле һәм әдәбияты буенча халыкара олимпиада "2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү" дәүләт программасы кысаларында Россия Федерациясе субъектлары, шулай ук чит ил мәктәп укучылары һәм студентлары өчен үткәрелә.

Быел олимпиада бөек татар шагыйрьләре - Габдулла Тукай һәм Муса Җәлилнең юбилей даталары уңаеннан уздырыла.

Олимпиаданың максаты - Россия Федерациясе субъектларында, чит илләрдә мәктәп укучылары, студентлары өчен татар теле һәм әдәбиятын, татар мәдәниятен саклап калу һәм үстерүдә өстәмә шартлар булдыру, аларның кызыксынуларын, белемнәрен арттыру, татар тарихына һәм мәдәниятенә хөрмәт булдыру.

Уңнан беренче - Александра Мидзуки Накамура

Мидзукиның карт әбисе революциядән соңгы болганышлар вакытында Башкортстанның Илеш районыннан Маньчжурия аша Япониягә күчә. Анда японга кияүгә чыга. Үзенең тамырларын сакларга омтылган Мидзуки татар теле һәм мәдәнияте белән кызыксына. Татарстанда тел буенча узган чараларда аның моңа кадәр дә катнашканы бар инде. Олимпиада нәтиҗәләре буенча, Мидзуки өченче урын яулады. Ул үзенең белемнәрен алга таба Япониядә тагын да камилләштерергә уйлый.

Нравится
Поделиться:
Реклама
Комментарии (0)
Осталось символов: