Янсуарлылар, Симек бәйрәме алдыннан, иртәнге келәүгә җыелдылар

Питрәч районының  Янсуар авыл җирлегендә, Симек бәйрәме алдыннан, иртәнге келәү үтте. Көн җилле булганлыктан, отец Геннадий Сизов аны гадәттәгечә ачык һавада түгел, ә авыл җирлеге башкарма комитеты бинасында үткәрде.

Симек, зур бәйрәм буларак, Олы көннән соң җиденче кече атна көнне, Тройсынга ике көн калгач, олылап үткәрелә. Күп кенә керәшен авылларында аны Җапрак бәйрәме итеп уздыру йоласы да сакланган. Анысы исә Тройсынның язны озатып, җәйне каршылау көне булуына ишарәли.