Туганайлар

Әй, Рождество бәйрәме

Яңа елны авыл көтә Бар туганнары белән. Рождество килеп җитә Нардуганнары белән. . Ләке халкы ду китерер Җилдә дә, буранда да. Аштан ашка эрәт йөрер, Без үскән урамда да. Таралган, диеп атама, Ләке әле нык тора. Без яшәгән ихатада Яңа чиркәү утыра. Саклар халык акылын да, Иманын да шушында. Чын...

Яңа елны авыл көтә
Бар туганнары белән.
Рождество килеп җитә
Нардуганнары белән.
.
Ләке халкы ду китерер
Җилдә дә, буранда да.
Аштан ашка эрәт йөрер,
Без үскән урамда да.

Таралган, диеп атама,
Ләке әле нык тора.
Без яшәгән ихатада
Яңа чиркәү утыра.

Саклар халык акылын да,
Иманын да шушында.
Чын йөрәктән изге юлда
Йөрсә Алла йортына.

Диннең өйрәтми берсе дә
Явызлыкка бәндәне.
Игелек уят кешедә,
Әй, Рождество бәйрәме!

Нравится
Поделиться:
Реклама
Комментарии (0)
Осталось символов: