Туганайлар

Теләче районы Субаш авылында сугыш ветераны капка төбендә концерт оештырганнар - фото

Авылда бердәнбер исән ветеран Иван Егоров 1923 елгы, август аенда аңа 97 яшь тулачак

Бөек Җиңү бәйрәме быел, узган елларга караганда, үзгәрәк узды. Шулай да, һәр сугыш ветераны, тыл хезмәтчәннәре, сугыш чоры балалары - һәрберсе дә аерым игътибар үзәгендә булды, котлаулар, бүләкләр кабул иттеләр.

Теләче районы Субаш авылында да Җиңү бәйрәмен, коронавирус аркасында саклык чараларын күреп, зурлап оештырганнар. Авылда бердәнбер исән ветеран Иван Егоровның йорты каршында авыл һәм район мәдәният хезмәткәрләре концерт программасы әзерләгәннәр. Бу турыда авыл клубы җитәкчесе Татьяна Романова хәбәр итте. Ветеранны авылдашлары хөрмәтләп тора. 

Бөек Ватан сугышы ветераны Иван Иванович Егоров - Ленинград фронтының 159 нчы авиация полкы авиамеханигы булган. Ул сугышка 1941 елның августында китә. Фашистларны җиңгәннән соң Совет Армиясендә 1948 елга кадәр хезмәт итә. Бүген аңа 96 яшь. 

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз

 

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.

Яналыкларыгызны 89172509795 номерына "Ватсап" аша языгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: