Татарстанда көчле җил сәбәпле шторм кисәтүе игълан ителде

22 ноябрьдә төнлә һәм көндез, шулай ук 23 ноябрьдә төнлә республика территориясендә көньяктан һәм көньяк-көнбатыштан көчле җил исәчәк, аның тизлеге секундына 15-20 метрга кадәр җитәчәк.

22 ноябрьдә 2.00 сәгатьтән 23.00 сәгатькә кадәр төбәктә урыны белән бик көчле җил (тизлеге секундына 25 метрга кадәр) фаразлана.

Бофорт шкаласы нигезендә, секундына 13,9-17,1 метр тизлектәге җил — көчле, 17,2-20,7 метр тизлектәгесе — бик көчле, 20,8-24,4 метр тизлектәгесе — давыл, 24,5-28,4 метр тизлектәге җил көчле давыл дип атала.

Татар-информ