Туганайлар

Субаш авылында Җапрак бәйрәме - фоторепортаж

16 июнь көнне Субаш авылы халкы Җапрак бәйрәменә (Тройсын) җыелды

Җапрак бәйрәме авыл янында урнашкан киң аланда оештырылды. Бәйрәмне  Субашның "Нардуган" һәм Балык Бистәсе районы Казаклар Чаллысы авылыннан "Нур" фольклор ансамбльләре башлап җибәрде. Алар "Авыл көен" сузып җыен тирәли әйләнде. Ике ансамбль дә килгән тамашачы өчен үз авылларының җыруларын башкарды.

Тройсынның алып баручысы Г. Камал исемендәге академия театры актёры, Татарстанның атказанган артисты Олег Фазылҗанов булды. Чарага шулай ук "Бәрмәнчек" ансамбле солитскасы Снежана Абрамова һәм Татарстанның атказанган артисты Вадим Захаров та чакырулы иде.

Бәйрәм кул көрәше, капчыктан сикерү, көрәш һ.б. уеннар белән үрелеп барды. Тройсынның төп батырлары булып Субаш авылы егете Николай Чернов һәм Казан шәһәреннән Айрат Фатхуллин калдылар.

Бәйрәм турында тулырак "Туганайлар" газетасының киләсе санында укыгыз.

Нравится
Поделиться:
Реклама
Комментарии (0)
Осталось символов: