Туганайлар

Шах и мат: керәшен егетләре шахмат турнирында җиңү яулады

8 август көнне Балык Бистәсенең мәдәният йортында Бөтенроссия Физкультурачылар көненә багышланган шахмат клублары әгъзалары арасында шахмат буенча район темпо-турниры узды.

Турнирда Балык Бистәсе, Анатыш, Котлы Бөкәш, Олы Елга, Бәтке, Күгәрчен, Урахча, Югары Тегермәнлек, Кызыл Йолдыз урман хуҗалыгы, Кече Укмас, Бикчурай, Ямаш, Алан-Полян, Үри, Зур Мәшләк, Шумково, Таулар, Иванай, Казаклар Чаллысы һ.б. авыллардан шахмат осталары катнашты.

17 яшькә кадәр булган уенчылар арасында Кызыл Йолдыз авылыннан Станислав Кибяков - беренче, Алан-Полян авылыннан Пётр Фёдоров икенче урынны алды.

Өлкәннәр арасында беренче урын Иванай авылыннан унынчы класс укучысы Кирилл Петуховныкы булды. Кирилл кечкенәдән шахмат уены белән шөгыльләнә. Ул Нижнекамск шәһәре, Республика, Россия дәрәҗәсендә оештырылган шахмат турнирларының призёры.

Фото: Дмитрий Петухов, Лариса Кибякова

 

 

 

 

 

Нравится
Поделиться:
Реклама
Комментарии (0)
Осталось символов: