Туганайлар

Салдатка китеӱ

Сезгя кряшен бяйете кюрсятергя телейбез. Бу бяйет боронго, революцияга катле жазылган. Жазып алган Симон Гяӱряля улы Борис

1.
Утырдым кайын тӧбӧня
Кайын жиляге пешкенче;
“Писер киля” диб эшеткяч,
Жыладым кюзем шешкянче.
2.
Имян агач каты агач,
Кайын агач чир-агач;
Писер жазды, мин киттем,
Падышага жарагач.
3.
Ӓнекяй, синеҥ умартаҥ
Кӧн-дя сайын айырсын;
Сӧйгян улыҥны алыб калыб,
Инде бигеряк байырсын!
4.
Ӓнекяйнен ашларын
Тямен белеб кабмадым;
Жылама ӓнекяй, ник жылыйсыҥ?
Сӧйгян улыҥ жакладыҥ.
5.
Ӓнекяй, кюке кычкыра
Ындыр арты зиратта;
Сагынырсын, зар булырсын,
Бакый булыр жыракта.
6.
Быйыл теккян казакыйым
Мин кеймядем кыуаныб;
“Ӓлля быйыл китмям” диб
Жӧргян эйем жыуаныб.
7.
Быйыл теккян бюрекемне
Ӓтекяй ӱзеҥ кейсяня;
“Газиз минем балакайым”
Бакый дидей сӧйсяня.
8.
Кечкеня чюлмяк, ауызы тар,
Салдатларныҥ ашлары;
Кай жирлярдян айлянмей
Салдатларнын башлары.
9.
Жяняйлярнен урамында,
Мин жӧрмядем жапрайыб;
Жяш башымнан салдат булдым,
Гумерем ӱтяр сагайыб.
10.
Иске мячет манара,
Жана мячет салалар;
Жылама ӓнекяй, ник жылыйсыҥ?
Сӧйгян улыҥ кала-ла.
11.
Ишегем ачыб карасам,
Ауада жондоз алмаса;
Кагяр суккан исправник
Чыгарды бер тамаша.
12.
Ак-бюз атым бар эйе,
Аны алыштым ак атка;
Талигале мяндя булсам,
Китмяс эйем салдатка.
13.
Сикреб тӧштӧм абзарга,
Кулым салдым атларга;
Кашка жирян атларым
Инде кала жатларга.
14.
Салдатлар бура бурый-дыр,
Ӧстляреня буран уйный-дыр;
“Ступай салдат, поход” дигяч
Жаулыкларын болгаб жылый-дыр.

из архива Павла Семенова

 

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: