Туганайлар

Җөри Питрауы

Питрау җитте - җәй бетте, диләр халыкта. Чыннан да, 12 нче июль табигать календаренда җәйне кыл урталай бүлгән көнгә туры килә. Сандугачлар сайраудан туктый, күке кычкырмый. Җәйнең иң матур чагына туры килсә дә, бәйрәм бар җирдә дә узмаган. Ул Апостоллар Петр белән Павел исеменә аталган чиркәүле авылларның престол бәйрәме саналган.

Быел 14 июль көнне Мамадыш районы Җөри авылында Питрау бәйрәме унөченче тапкыр уздырылды. Авыл янындагы Тырлау аланы үз кочагына 50 меңгә якын кунакны сыйдырып уйнатты да, җырлатты да, ял иттереп күңелләрен дә ачты. Алан буендагы Шыя елгасы аша салынган күперне узуга һәркем күзләрне камаштырылык матурлык дөньясына аяк бысты. Биредә керәшен фольклорын күрсәтү өчен дә, хәзерге эстрада йолдызларын күрү өчен дә, балалар рәхәтләнеп ял итсен өчен дә мәйданчыклар эшләде. Һәр нәрсә уйланылган, һәр буын вәкиленең теләге искә алынган. Татарстан керәшен җәмгыяте белән берлектә, мамадышлылар бу бәйрәмне уздыруга барлык уөчләрен салганнар.

Теги: Питрау
Нравится
Поделиться:
Реклама
Комментарии (0)
Осталось символов: