Мамадышта Диана Мишкина истәлегенә багышланган конкурс узачак

Диана Мишкина керәшен халык җыры дөньсының сандугачы, Керәшеннәрнең "Бәрмәнчек" дәүләт фольклор ансамбленың солисткасы иде.

Конкурста 8 яшьтән алып 50 яшькәчә халык җырларын башкаручы солистлар һәм иҗади коллективлар катнаша ала. Ул өч номинациядә узачак: вокал-соло, вокаль ансамбльләр, фольклор коллективлар. Әлеге чара яшь талантлы башкаручыларны барлауга, туган якка мәхәббәт тәрбияләүгә һәм патриотизм рухы үстерүгә юнәлтелгән. Гран-при һәм 1,2,3 дәрәҗә лауреат ияләрен кыйммәтле бүләкләр көтә.

Конкурс-фестивальдә катнашучыларны теркәү 26 январь көнне сәгать 8:00 дә Мамадыш шәһәренең район мәдәният йортында башлана. Гала-концерт сәгать 17:00 башланыр дип көтелә. Чарада керәшеннәрнең "Бәрмәнчек" дәүләт фольклор ансамбле да катнашачак. Керү ирекле. Тулырак мәгълүмат өчен телефон: 8(85563)3-29-93, 8(85563)3-23-45.

Кичәдән тулырак репортаж безнең сайтта булачак, яңалыкларны карап барыгыз.