Керәшен җыры конкурста җиңү китерде - видео

Бәйгенең жюри председателе Татарстанның һәм Россиянең халык артисты Винера Ганиева булды.

Конкурста Казан шәһәренең Киров районы “Заречье” балалар иҗаты үзәге исеменнән Эльвира Константинова белән Айгөл Җәләлиева дуэты да катнашты. Алар “Сөйгән җәр” дигән керәшен җырын башкарып, беренче дәрәҗәдәге лауреат исеменә лаек булды.
Эльвира “Заречье” үзәгендә өстәмә белем бирү педагогы булып эшли, бисер белән чигү түгәрәген алып бара.

- “Бәрәкәт” ансамбле оешканга ун ел була, репертуарыбыз да зур. Безне фольклорчы Геннадий Макаров өйрәтте. Элек конкурс-фестивальдә еш катнаштык, гастрольләр белән дә йөрдек. Коллективта сигез кеше идек, соңгы елларда ансамбль таралды, исемебез дә юк инде, икәү генә чыгыш ясап йөрибез. Безнең күңел моңга тартыла”, - дип сөйләде Эльвира.