Туганайлар

Керәшен Казысы халкы зур өмәгә җыелды - фото

Өмәдә читтә торучы авылдашлар да катнашкан

27 июнь көнне Балык Бистәсе районы Керәшен Казысы авылы зиратында зур өмә оештырганнар. Бу турыда "Бәрәкәт" хәрәкәтенең активисткасы Алёна Харитонова хәбәр итте.

Бу эшкә һәрбер кеше үз өлешен керткән. "Ир-атлар ауган агачларны чыгардылар, кипкән агачларны кистеләр. Хатын-кызлар кабер өсләрен чистарттылар", - дип сөйләде Алёна. Керәшен Казысы авылы өчен бу өмә -  зур вакыйга. "Авылыбыз кечкенә - 30лап йорт кына калды. Күп кенә кешеләр шәһәрләрдә яшиләр. Өмәдә авыл халкы гына түгел, читтә яшәүче авылдашларыбыз да катнашты. Зиратны чиста тоту - безнең зур бурычыбыз. Өмәдә катнашкан һәрбер авылдашыма рәхмәтемне белдерәм ", - диде Алёна.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз.

 


 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: