Туганайлар

Казан полициясе югалган Әлмәт егетен эзләүдә ярдәм итүне сорый

Соңгы тапкыр 23 яшьлек егетне 6 декабрьдә Авангард урамында күргәннәр

Казан полициясе югалган Әлмәт егетен эзләүдә ярдәм итүне сорый. Бу хакта Россия Эчке эшләр министрлыгының Казан буенча идарәсе матбугат хезмәте хәбәр итә.

Соңгы тапкыр 23 яшьлек Владислав Кильдюшовны 6 декабрьдә Авангард урамында күргәннәр.

Егет 175 сантиметр буйлы, кара чәчле, уртача гәүдәле. Башында куе-зәңгәр башлык, өстендә караңгырак төстәге ак мех эчле кышкы куртка булган. Перчаткалары көрән, җәйге Reebok кроссовкаларыннан һәм спорт чалбарыннан була.

Россия Эчке эшләр министрлыгының Казан буенча идарәсе егетнең кайда икәнлеген белүче булса, шул турыда мәгълүматны (843) 294-50-24, +7 999-759-27-05 телефоннары аша хәбәр итүне сорый.

Мәгълүмат "Татар-информ"нан алынды.

Нравится
Поделиться:
Реклама
Комментарии (0)
Осталось символов: