Туганайлар

Картаймас студент Лариса

25 март – Культура хезмәткәрләре көне. Бүгенге авыл клубларында, минемчә, чын энтузиастлар гына эшли ала. Шуларның берсе, дип, мин Алан-Полян, Лесхоз авыллары клублары җитәкчесе Лариса Кибякованы атар идем.

Лариса Кибякова тумышы белән Балык Бистәсе Алан-Полян авылыннан. Иң беренче үзләштергән профессиясе исәп-хисап белән бәйле була. Чистай шәһәрендә тугыз айлык бухгалтер курслары да бетерә. 1994 елның июнь аенда сөйгәне Чукашлар Иваны белән, Симек бәйрәмнәреннән соң, туйларын гөрләтәләр. Өч балалары бар.

2004 елда Лариса Алексеевна туган авылы мәдәният йортына эшкә керә. Менә шуннан сәнгать белән бәйле тормыш башлана да инде. Казан шәһәренең педогогия колледжына укырга керә. 4 ел укып укытучы белемен алганнан соң да, тагын ике ел хореография укытучысы профессиясен үзләштерә. “Кияүгә чыкканнан бирле укуда инде мин”, - ди көлә үзе. Быел Культура институтында бишенче курсны тәмәмларга җыена. Июнь аенда этнокультура үзәкләре җитәкчесе дигән диплом алачак. Аның белән сөйләшкән вакытта укып йөргән көннәре иде. “Вечный студент” икән бит син, Лариса түти!

Берьюлы ике мәдәният йортын җитәкләү – уен эш түгел. Җилкәңә бер төрле эш икеләтә күләмдә өстәлә дигән сүз бит ул. Шулай да, ике клубы да гөрләп эшли. Алан-Полянда “Алан” балалар керәшен ансамблен, Кызыл Йолдызда “Чулпы” фольклор ансамблен җитәкли. Әлеге ансамбльгә күптән түгел халык исеме бирелгән. Район, республика фестивальләрендә еш катнашалар, призлы урыннар алалар. Шулай ук, авыл кешесе өчен “Мелодия-караоке”, театр түгәрәкләре эшләп килә.

Лариса Кибякованың нәтиҗәле эшчәнлегенә район җитәкчелеге дә игътибар иткән. Тырышлыгы белән грантлар да ота. Ул акчаларга клубка кирәк-яраклар ала. Алан-Полян һәм Лесхоз авылларында халык бәйрәмнәре дә искә алына. Алардан тыш әлеге авылларда гына уздырыла торган чаралар да бар икән. Аларның берсе гашыйклар көненә атап уздырыла.

Лариса Кибякованың быел мәдәният эчендә кайнавына 15 ел. Күркәм юбилей дип атарга була. “Беркайчан да бу өлкәдә эшләгәнемә үкенгәнем булмады. Нинди чара гына булмасын авыл халкы да һәрчак булышып килде”,- ди ул.

Бу хакта тулырак газетабызның киләсе саныннан укыгыз.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: