Туганайлар

Карендәшләребез "Этномириада" фестивалендә катнаштылар - фото

Чарада Тукай, Менделеевск, Балык Бистәсе районнарыннан керәшен коллективлары һәм солистлары катнашкан

16 ноябрь көнне Казан дәүләт мәдәният институтында "Этномириада" традицион мәдәният һәм халык сәнгать иҗаты конкурс-фестиваленең җиңүчеләре ачыкланды. Чарада Татарстан, Башкортстан, Марий Эл, Чувашия, Удмуртия, Мордовия, Саха Якутия республикаларының, Түбән Новгород, Свердловск, Ульяновск өлкәләренең төрле район-шәһәрләреннән, Грузия, Казахстан, Кытай, Чили, ЮАР, Сербия илләреннән фольклор коллективлар һәм солистлар чыгыш ясаган.

Катнашучылар арасында Татарстанның Тукай, Менделеевск, Балык Бистәсе районнарыннан керәшен коллективлары һәм солистлары да булган. Тукай районы Мәләкәс авылыннан "Питрау" балалар үрнәк фольклор ансамблен беренче дәрәҗә диплом белән бүләкләгәннәр.

Менделеевск районы Иске Гришкин авылында оешкан "Бигәшкәй" бию ансамбле дә, шулай ук, фестивальнең беренче дәрәҗә лауреатлары булган.

Балык Бистәсе Үри Чаллысы авылы кызлары - Аделина Архиповага III дәрәҗә, Эльза Гордеевага I дәрәҗә дипломнары бирелгән.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.

Нравится
Поделиться:
Реклама
Комментарии (0)
Осталось символов: