Карендәшләребез маскировка челтәрләре үрәләр

Бакалы районының Умирово авылыннан бер төркем волонтерлар маскировка челтәрләре үреп , үз җылылыкларын һәм кайгыртуларын кертүне дәвам итәләр.

“Аларны ясау технологиясе шактый күп вакыт, игътибарлылык, тырышлык, схемаларны аңлау сәләтен таләп итә, әмма безнең осталар инде бик җитезләр һәм 2 көн эчендә 3 маскировка челтәре үрделәр”, – дип хәбәр итте Умирово авылыннан Ирина Маркова.

Марий Элда яшәүче  Дружино, Малые-Нослы авылларының да  битараф булмаган халкы махсус хәрби операциядәгеләр өчен, хәрби техниканы һәм башка объектларны маскировкалау өчен киң кулланыла торган маскировка челтәрләре үрә. Алар аңлыйлар – хәтта шундый гади нәрсә дә кемнеңдер гомерен саклап кала ала.

“Көчләрен дә, вакытларын да кызганмыйча, челтәрләр ясарга килгән һәркемгә рәхмәт.

Без егетләрнең кулларыбызның җылысын һәм игелеген тоюларын һәм аларның барысы да исән һәм сәламәт булуын бик телибез! Солдатларга ярдәм итеп, без Җиңүне якынайтабыз”,– дип яздылар Дружино авылы мәдәният йортыннан.

Фотолар: Умирово, Дружино авыллары мәдәният йортыннан.