Туганайлар

Изге Тынны кайтаручыларга рәхмәт

Күптән түгел Мамадыш районы Колышчы авылына Мулимун бәйрәменә бардык. Шул ук көнне бу авылда часовня да ачылды. Бу уңайдан туган шатлыклы кичерешләремне уртаклашасым килә. Без яши торган Нариман авылы (Түбән Кама районы) утызынчы елларда Колышчы авылыннан аерылып чыккан. Совет заманында Нариманда чиркәү сала алмаганнар. Чиркәүне соңгы елларда гына төзедек. Аллага...

Күптән түгел Мамадыш районы Колышчы авылына Мулимун бәйрәменә бардык. Шул ук көнне бу авылда часовня да ачылды. Бу уңайдан туган шатлыклы кичерешләремне уртаклашасым килә.

Без яши торган Нариман авылы (Түбән Кама районы) утызынчы елларда Колышчы авылыннан аерылып чыккан. Совет заманында Нариманда чиркәү сала алмаганнар. Чиркәүне соңгы елларда гына төзедек. Аллага шөкер, үзебезнең иман йортыбыз бар. Ә менә электән үк чиркәүле булган Колышчыда чиркәүне тор гыза алмауларына бик нык эч пошып йөри иде. Искесе тузган инде, аны әзрәк рәтләштереп, архитектура бинасы буларак кына файдаланырга мөмкин. Колышчы халкы искитмәле игелекле эш эшләгән: өр-яңа часовня төзеп куйган. Соңгы дүрт елда Колышчыга кайткан юк иде. Быел йөрәк алдан ук ашкынып, талпынып торды. Юкка гына булмаган икән. Алла Тыны чакырып китерде безне монда.

Авылларда часовнялар, чиркәүләр төзү бик кирәк. Аның өстенә, ул - эшләргә, халык белән тулы булырга тиеш. Кешеләр Алланы оныта, шайтан котыртуы аркасында, төрле начарлыклар эшли. Аннары, нишләп Ходайыбыз яңгыр бирми, нишләп афәтләр җибәрә, дип аптырыйбыз. Аллабыз күңелебездә, җаныбызда яшәсә генә, тормышыбыз сөенечле булыр. Кешеләр шуны аңласын иде. Ә инде Колышчы егетләренә килгәндә исә, алар һәркемгә үрнәк. Бабайларыбызның изге җиренә Изге Тынны кайтару - өйләребезгә, семьяларыбызга, илебезгә иминлек кайтару дигән сүз ул.

Иван ПАВЛОВ,
Түбән Кама районы
Нариман авылы

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим