Туганайлар

Халыклар дуслыгы - Татарстан байлыгы

Татарстан халыклары яшьләр Ассамблеясы "Халыклар дуслыгы - Татарстан байлыгы" дигән форум үткәрүе турында игълан итте.

4-5 октябрьләрдә үтәчәк республика милләтара форумы, милләтара хезмәттәшлек һәм экстремизмны кисәтүгә юнәлдерелгән программа белән 4 мәйданда эшләячәк.

"Толерантлык театры" - сәхнәдә милләтара аралашуда иң актуаль һәм кискен темаларны ачуга юнәлдерелгән;

"Социаль проектирование" - ничек итеп милләтара хәлне яхшыртуга юнәлдерелгән проектлар төзү турында;

"Этножурналистика" - монда массакүләм мәгълүмат чараларында милләтара проблемаларны дөрес яктыртырга өйрәтәчәкләр;

"Күпмилләтле КВН лигасы" - катнаш КВН командасы оештырырга талантлы яшьләр эзләү; биредә кешене кимсетмичә, милләтара темага шаяртырга өйрәтәчәкләр.

Бу форумда республика керәшен оешмасының "Бәрәкәт" яшьләр бүлегеннән җиде егет һәм кыз катнашачак.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.

Яналыкларыгызны 89172509795 номерына "Ватсап" аша языгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: