Туганайлар

Гөргөри дусларын җыйды

Кичә, 27 октябрьдә Татарстан Республикасы Милли китапханәсенең Зур уку залында Татарстанның халык язучысы, керәшен халкының асыл улы Григорий Родионовның (Гәрәй Рәхим) 75 яшьлек юбилеена багышланган әдәби кичә узды.

Россиянең атказанган мәдәният хезмәткәре, Татарстанның атказанган сәнгать эшлеклесе, Габдулла Тукай исемендәге дәүләт премиясе лауреты, күп кенә китаплар авторы, язучы, шагыйрь һәм җәмәгать эшлеклесе Гөргөринең иҗат кичәсенә республика керәшен иҗтимагый оешмасы вәкилләре, каләмдәш дуслары, шагыйрьләр, язучылар һәм якыннары килгән иде. Алар юбилярны котлап, онытылмас яшьлек истәлекләрен, тормышта булган кызыклы вакыйгалары белән бүлештеләр.

Әдәби кичәне Татарстанның халык артисты Георгий Ибушев, Татарстанның атказанган артисты Айдар Габдинов, баянчы Геннадий Максимов, "Бәрмәнчек" дәүләт керәшен фольклор ансамбленең моңлы җырулары тулыландырды. Кичәдә катнашучылар олуг шагыйрьгә яңа иҗади уңышлар теләделәр.

Нравится
Поделиться:
Реклама
Комментарии (0)
Осталось символов: