Туганайлар

Эше булгач, җыры да була

Игенчеләр һава торышының матур торган һәр сәгатеннән нәтиҗәле файдаланып калырга тырыша

Районыбыз кырларында игеннәрне югалтуларсыз җыеп алу өчен киеренке көрәш бара. Һава торышының матур торган һәр сәгатеннән нәтиҗәле файдаланып калырга тырыша игенчеләребез. Ә район мәдәният хезмәткәрләреннән торган автоклуб хезмәткәрләре үзләренең җыр-биюләре белән аларның эшләренә дәрт-дәрман өсти. 21 августта  алар "Үрнәк" хуҗалыгы хезмәтчәннәре  алдында чыгыш ясадылар.
Мәдәният хезмәткәрләре килгәч, басу тагын да җанлана төште. Комбайнчылар, икмәкне ындыр табагына ташучы  шоферлар - барысы да тамак ялгарга  тукталып, концерт карарга җыелды. Басу киңлекләре буйлап моң таралды. Валерия Трофимова, Роза Кузьмина, Николай Бухаров, Ольга Трофимова башкарган җырларны тыңлый-тыңлый тамак ялгап алганнан соң, комбайнчылар янә эшкә кереште, - дип хәбәр итә "Зәй офыклары" газетасы.

Нравится
Поделиться:
Реклама
Комментарии (0)
Осталось символов: