“Бәрмәнчек” ансамбле Балык Бистәсе районында хәйрия концерты бирәчәк

20 сентябрь көнне “Бәрмәнчек” дәүләт фольклор ансамбле Балык Бистәсе районында “Акчарлак” балалар һәм яшүсмерләр социаль приютында хәйрия концерты бирәчәк.

“Йөрәктән йөрәккә” проекты кысаларында, “Бәрмәнчек” ансамбле агымдагы елның һәр кварталында хәйрия концертлары куярга тиеш. Питрәч районының “Шатлык” балалар һәм яшүсмерләр социаль приютында һәм Яшел Үзән районының “Идел” республика реабилитация үзәгендә “Бәрмәнчек” андый чаралар уздырды инде. “Соңгы хәйрия концерты Тәтеш районының картлар һәм инвалидлар өчен интернат-йортында узачак”,- дип хәбәр итә “Бәрмәнчек” ансамбле администрациясе.