Туганайлар

Бүген - Гаилә, мәхәббәт һәм тугрылык көне

8 июльдә Гаилә, мәхәббәт һәм тугрылык көнен бәй­рәм итәбез.

Ул Россиядә 2008 елдан билгеләп үтелә. Күркәм традиция буенча, бу көнне 25 елдан күбрәк бергә гомер иткән парларга "Мәхәббәт һәм тугрылык өчен" медальләре тапшырыла. Җәмгыятькә лаеклы балалар тәрбияләп үстерүчеләр "Ата-ана даны" орде­ны белән бүләкләнә.

Әлеге бәйрәм Владимир өлкәсе Муром шәһәре кешеләре инициативасы белән үткәрелә башлый. Бу шәһәрдә христиан семьясы покровительләре булып саналган ирле-хатынлы Изгеләр Петр һәм Феврония яшәгән.

Аларның бер-берсенә карата мәхәббәтләре, тугрылыклары, чисталыклары башкалар өчен һәр яктан үрнәк санала. Берсе князь, икенчесе гади крестьян сословиесеннән булуларына карамастан, алар бер-берсен аңлап, бер-берләренә юл куеп, алардан ярдәм көткәннәргә булышып, аларны рәнҗеткәннәрне кичереп, сөю хисләрен соңгы сулышларына кадәр сүндермичә саклап яшиләр һәм икесе дә бер көнне - 8 июльдә үләләр. Чиркәүләрдә бу көнне Изге Петр белән Изге Февронияне искә алалар.

Нравится
Поделиться:
Реклама
Комментарии (0)
Осталось символов: