Туганайлар

Безнекеләрдән уңдык

Исәнмесез, хөрмәтле "Туганайлар" редакциясе! Сезнең газета аша халыкка бәйрәм оештырып, күңелләребезне күтәрүчеләргә рәхмәт сүзләре җиткерәсем килә. Республика көнендә Мәләкәс авылы кешеләре стадионга зур бәйрәмгә җыелды. Аны оештыручылар - авыл җирлеге башлыгы Михаил Мифодеев һәм культура йорты хезмәткәрләре. Җәй көне үткәрелә торган чаралар болай да күп: балаларны яклау көнендә Тукай районы...

Исәнмесез, хөрмәтле "Туганайлар" редакциясе! Сезнең газета аша халыкка бәйрәм оештырып, күңелләребезне күтәрүчеләргә рәхмәт сүзләре җиткерәсем килә. Республика көнендә Мәләкәс авылы кешеләре стадионга зур бәйрәмгә җыелды. Аны оештыручылар - авыл җирлеге башлыгы Михаил Мифодеев һәм культура йорты хезмәткәрләре. Җәй көне үткәрелә торган чаралар болай да күп: балаларны яклау көнендә Тукай районы балалары барысы да шушы стадионга җыела. Аннары китә Сабантуй, аннары - Питрау. Моннан тыш күпме кызыл даталы бәйрәмнәр.

Быел безнең Питрау коллективы "Түгәрәк уен" фольклор фестивалендә катнашып та җиңү яулады. Әле күптән түгел генә Болгар җиренә барып чыгыш ясап кайттылар. Балалар коллективларын да кайларга гына йөртмиләр: Пензада да, Казанда да, Чаллы Питрауында да булып кайттылар. Кая барсалар да, терекөмеш кебек үзләре. Чыгышларыннан күзләр сөенә.

Кабаттан Республика көнендәге бәйрәмгә әйләнеп кайтыйк. Шундый матур программа әзерләү өстенә, чәй өстәле дә көйләгәннәр. Авылыбызның талантлы кешеләренең шигырьләрен, үзләре язган җырларын да ишеттерделәр. Иванова Аксиньяның шигырь язганын белә идек, бу юлы шаян такмакларын да тыңладык. Озак еллар буена укытучы булып эшләп, соңгы вакытта клубка килгән Роза Семенованың төрле яктан булганлыгын күреп исләребез китте. Шигырьләре дә нинди генә темаларга язылмаган. Җырлаганда да, атаклы артистларың бер читтә торсын - шундый үзәкләргә үткәрттереп җырлый! Авыл җирлеге башлыгы Михаил Мифодеевка, культура йорты директоры Людмила Адамовага, китапханәче Лида Трофимовага, тәмле коймаклар пешереп сыйлаучы кызларның барчасына бик зур рәхмәт. Кайбер авылларда клубларны ачып та карамыйлар, дигән сүзләр дә ишетәбез. Безнекеләрдән бик уңдык. Алга таба да тырышып эшләп, зур уңышларга ирешсеннәр.

Анна ТРОФИМОВА,
Тукай районы
Мәләкәс авылы

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим