Туганайлар

Александр Маловка 90 яшь!

Бөек Ватан сугышы ветераны, танылган журналист Александр Михайлович Маловка 2 октябрь көнне 90 яшь тулды. Юбилей кичәсен ул бүген "Казан" милли мәдәният үзәгендә билгеләп үтте.

Юбилярны котларга республика керәшен оешмасы, Казан керәшен җәмгыяте, "Бәрмәнчек" ансамбле коллективы, "Бәрәкәт" керәшен яшьләре оешмасы вәкилләре, Кайбыч районыннан якташлары, студентлар, ветераннар, журналистлар, туганнары, якыннары килгән иде.

Александр Михайлович 1926 елда Кайбыч районының Иске Корбаш авылында туган.

Ул - III дәрәҗәдәге Дан ордены һәм I дәрәҗәдәге Ватан сугышы ордены кавалеры да, Журналистлар берлеге әгъзасы да, "Берлинны алу өчен", "Праганы азат итү өчен" медальләре иясе дә, Хезмәт һәм сугыш ветераны да! Бүген исә бу дәрәҗәләренә яңалары өстәлде. Казан һәм Татарстан митрополиты исеменнән, протоиерей, Казан духовный семинариясе профессоры Алексей Колчерин Александр Маловка Гурий святитель исемендәге медаль тапшырды.

Тулырак материалны газетаның киләсе саныннан укыгыз.

Кичәдән фоторепортаж бирәбез.

Нравится
Поделиться:
Реклама
Комментарии (0)
Осталось символов: