Туганайлар

Ачык дәрес

3 сентябрьдән 30ына кадәр республикада "Экстремизмга - юк!" айлыгы үткәрелә. Шуның кысаларында һәр районда социаль, этник, милләтара конфликтларны бетерүгә юнәлдерелгән комплекслы чаралар уза.

Илебездә үткәрелгән сораштыру нәтиҗәләре күрсәткәнчә, халыкның 34 проценты террорчылар корбаны булудан курка. 47 проценты сакланырга тырыша, 11 проценты бу хакта уйлап та карамаган, ә 8 проценты бу безгә кагылмый,- дип саный. Статистика мәгълүматларыннан күренгәнчә, соңгы 10 елда гына дөньяда 6 мең 500 террорчылык акты кылынган. Нәтиҗәдә, 5 мең кеше үлгән, 11 меңе зыян күргән.
11 сентябрь көнне "Экстремизмга - юк" акциясе кысаларында, Чаллының Ак мәчет бинасында массакүләм мәгълүмат чаралары хезмәткәрләрен дә чакырып, ачык дәрес үткәрделәр. Мәдрәсә укы-тучысы Азат Шәрипов экстремизм, терроризм темаларын яктыртканда, журналистлардан бу мәсьәләгә аеруча сак карауларын сорады. Кайбер журналистлар белсәләр дә, белмәсәләр дә, ситуацияне кабартып язып, өстәмә конфликтлар тууга сәбәп булалар, диде ул. Азат Шәрипов гомумкешелек, әхлак законнарын бер чакта да истән чыгармаска, башка халыкларга, аларның диннәренә карата хөрмәт белән карарга чакырды. Алла халыкларны төрле итеп яраткан, димәк, Аңа шулай дөрес булып күренгән. Шуңа күрә тирә-ягыбызда яшәүчеләргә үзебезне матур күрсәтеп, алар сокланырлык, бездән үрнәк алырлык итеп яшәргә кирәк, диде укытучы. Алла тарафыннан кешеләрнең күңелләренә дингә мохтаҗлык салынган, әгәр аны вакытында тутырмасаң, күңелдәге бушлык бүтән начарлык-лар белән бик тиз тулырга мөмкин, диде ул. Кайбер яшьләрнең телләре әйткән белән эшләгән гамәлләре аерылуына да тукталды. Дин кушканча киенеп йөрү генә әле кешенең гамәлен билгеләмәвен ассызыклады укытучы. Кирәкле белемнәрне, мәгълүматны интернеттан алмыйча, шул өлкәдә эшләүче белгечләрдән сорашырга киңәш бирде Азат Шәрипов.
Керәшен священниклары да халык арасына чыгып, шушындый аңлату эшләре алып барсалар, кайбер балаларыбыз күңелендә барлыкка килгән бушлык ки-рәкле кыйммәтләр белән тулыр иде.

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим