77 яшьлек Нина әби квадроциклда җилдерә

Балык Бистәсе районының Иванай авылында яшәүче Нина Яковлева күрше Мәшләк авылына кызы Лизаларга кунакка баргач, оныгының квадроциклын йөртергә өйрәнгән.

— Йөртүе ансат. Газын кул белән көйләргә була. Пасха бәйрәменә дә шул квадроциклга утырып, җыр җырлап, бер чиләк йомырка җыйдым, — ди Нина түти. Хәзер аңа 77 яшь.

Ире белән 4 бала тәрбияләп үстергәннәр. Кызганыч, ире арабыздан иртә китеп барган.

— Иремә инсульт булды. 9 ел аны карадым. Шул чакта ир-атлар эшенә дә өйрәндем. Ат та җиктем, сыер да саудым, — ди Нина түти.

Бүген дә тик торганы юк, тавыклар карый, тәмле ризыклар пешерә. Бәйрәм җитсә, кунаклар каршы ала. Янында төп ярдәмчесе — улы Георгий.

Чыганак