Туганайлар

68 нче Җиңү язы

1418 көнгә сузылган канлы сугыш ул чордагылар өчен гомергә дә бетмәстәй тоелгандыр. Фронт юллары ут, кан, үлем белән тулы булып, сугышчылар күңелендә соңгы сулышка хәтле көрәшү теләге булса, тылдагы тормышны хәерчелек, күз яше, кайгы-хәсрәт каплап киткән чор бит ул.

Моннан 68 ел элек яңгыраган "Җиңү" сүзе бүгенгә исән булган сугыш һәм тыл ветераннары өчен иң-иң көтеп алынган, күз күрмәгән, колак ишетмәгән сөенеч-бәхетләр алып килүче сүз була.
Дүрт елга якын бер булып сугыш утында янган ил халкы, ниһаять, 9 май иртәсен җиңүчеләр булып каршылый, тантана итә.
Менә шул гомердән соң бүген җир йөзендә Бөек Ватан сугышы турында ишетеп кенә белүче өченче буын үсеп килә. Ләкин һәр буынның күпчелеге бу сугышның никадәр куркыныч, СССР дигән зур илнең һәр семьясына үтмәс кайгылар алып килгәнен белә һәм беләчәк. Без, менә шушы буын вәкилләре, бүген сугыш һәм тыл ветераннарын олылап, алларына килгән авырлыкларга бирешмичә, илгә җиңү китергәннәре өчен рәхмәт хисләребез-не белдерәбез.

Нравится
Поделиться:
Реклама
Комментарии (0)
Осталось символов: