Туганайлар

5 ноябрь көнне "Гөрләшеп яшик әле" дип аталган зур концерт булды

Тамашада авылның данлыклы "Питрау" балалар үрнәк фольклор ансамбле, "Яшьлек" бию коллективы, миниатюра театры "Кәмит компания", җырчы кызларыбыз Анна Саттарова, Валерия Михайлова, Ирина Сафаргалина катнашты

5 нче ноябрь көнне Мәләкәс мәдәният йортында халыклар бердәмлеге көненә багышланган "Гөрләшеп яшик әле" дип аталган зур концерт булды. Тамашада авылның данлыклы "Питрау" балалар үрнәк фольклор ансамбле, "Яшьлек" бию коллективы, миниатюра театры "Кәмит компания", җырчы кызларыбыз Анна Саттарова, Валерия Михайлова, Ирина Сафаргалина катнашты. Бәйрәмгә күрше Биклэн авылыннан килгән Лилия Сәхбиева, Рәйсә Ганиева, Бәтке артисты Марина Орлова, Иске Җирекледән "Җакын туганнар" керәшен фольклор ансамбле, җырчылар Эдуард Емельянов, Таңсылу Низамова аерым бер ямь өстәде. Концертны Олеся Афанасьева һәм Динара Виссарионова алып барды. 2 сәгатьлек тамаша бер тында каралды. Тамашачылар үзешчән артистлрны бик җылы каршы алды, алкышларга күмде, матур концерт өчен рәхмәт әйтеп, күтәренке күңел белән таралды.

Нравится
Поделиться:
Реклама
Комментарии (0)
Осталось символов: