Котлыйбыз!

Хезмәттәшебез - "Туганайлар" гәҗитенең дизайнеры Ольга Владимировна ГУСЕВА семьясында шушы көннәрдә шатлыклы вакыйга булды - аларның уллары туды.

Хөрмәтле Ольга, Юрий һәм кечкенә малайга дәдәй тиешле Данилка!

Сезне бу сөенечле вакыйга белән чын күңелебездән котлыйбыз. Бүгенге көннән өегезнең яме тагын да артты, гаиләгез тагын да ишәйде. Яңа туган улыгыз, дәдәсе - Данилка өчен ныклы терәк, "брат" булып, әти-әнисенә гел сөенечләр генә китереп торучы игелекле бала булып үссен. Пар канатлы булып, сөю-шатлыкка коенып, бергә-бергә мул тормышта яшәргә язсын Сезгә.

Иң изге теләкләр белән "Туганайлар" гәҗите хезмәткәрләре.