Вадим Захаров гаиләсе белән өч бүлмәле фатирга күченгән

Җырчы Вадим Захаров өчен быелгы ел чын мәгънәсендә уңышлы ел булды. Узган Питрауда аңа «Татарстанның атказанган артисты» исемен бирделәр. Үзе әйтүенчә, бу ел бик тыгыз һәм җаваплы ел булган аның өчен.

– Бер атна элек кенә өч бүлмәле яңа фатирга күчтек. Аны әллә ни мактанасы да килми, ул бит әле банкныкы, түлисе бар.

Авылда печәннәрне җыйдык. Уңыш ярый, үзебезгә җитә. «Сине югалтудан куркам» (Фирзәр Мортазин, Алсинә Сәләхова) исемле җырга клип төшерергә җыенабыз.

Кызыбыз Ульяна укырга керергә җыена. Укый-яза белә, татарча да, русча да сөйләшә, инглиз телен дә чамалый. Өч ел мәктәпкә әзерлек курсларына йөрде. Рәсем буенча осталыгы да артканнан арта бара, - диде Вадим Захаров.

Чулпан ШАКИРОВА, "Интертат"

Салават Камалетдинов фотосы