Питрау кайтавазы

"Наш дом - Татарстан" журналында "Тырлауда - Питрау. 20 ел шул ук урында, шул ук сәгатьтә" дип аталган якты, матур фотолар белән бизәлгән  язма басылып чыкты.

Автор  Наиля Билалова язмасын,   "Театр - гардеробтан башлана"  дигәндәй,  Тырлау аланының машиналар кую урынының зурлыгына, машиналарның күплегенә исе китеп башлаган. Машиналар күплегенә ис китәрлек булгач, бәйрәмнең үзе ничек узачагын күз алдына китерүе читен түгел билгеле. "Питрауда булган кадәр vip-персон башка халыклар бәйрәмендә булганы юктыр", ди автор.