Сәвәләй чиркәвенең чаңнарын аруландырачаклар

Зәй районы Сәвәләй авылында "Изге Тын иңеү" ("Сошествие Святого Духа") исеменә чиркәү төзиләр. Август аенда чиркәүгә куполлар һәм качлар урнаштырдылар. Шушы көннәрдә авылга чаңнар алып кайтканнар. Бу турыда чиркәүнең төзелеш эшләрен җитәкләүче, Татарстанның халык артисты, Чаллы керәшен җәмгыяте җитәкчесе Виталий Агапов хәбәр итте.

Чаңнарны Ярославль шәһәрендә ясатканнар. "Алар төрле зурлыкта. Барлыгы – тугыз чаң. Иң зурысы - 162 килограмм булса, иң кечкенәсе - 7 килограмм авырлыкта. Һәрбер чаң үзгә тавыш чыгара", - дип сөйләде Виталий Агапов.

Тиздән чаңнарны аруландырып, чиркәүгә урнаштырырга планлаштыралар.