Мәләкәстә “Май чаптык”

Елдагыча, Мәләкәс авылында быел да, зурлап, "Май чаптылар". Бәйрәмдә телеңне йотарлык коймаклар да пешерелде, ярышлар, көч сынашлар да, җыр-бию һәм уен-көлке дә күп булды. Михайлов Валерий бәйрәмчә бизәлгән атына утыртып, теләгән кешене "кәтәйсә" иттерде, бала-чаганың, бигрәк тә, аларның әти-әнисенең күңелен булдырды.

Моңарчы эчләрендә кемгә дә булса үпкә йөртүчеләр рәхәтләнеп кул биреште, кичерешү сорады. Үпкә йөртмәгәннәре дә бер-берсе белән кочаклашты, аркадан кагышты. Авызлар үзеннән-үзе җырылды, аяклар үзеннән-үзе бии башлады. "Инде җазыкларыбыз янып көлгә очсын", - дип, соңыннан "начар көчләрне" үзенә җыйган карачкыга ут төрттек. Җаннарыбыз тынычланып, күңелләребез чистарынып калды. Шул рәвешле, Олы Уразага атладык. Олы Ураза белән барыгызны да, кадерле карендәшләребез!