Бүген Россиядә казначылык оешу көне

Татарстан Республикасы Финанслар министрлыгының Казначылык департаментының Мамадыш районы территориаль бүлеге җитәкчесе Нина Абрамованың бу профессиональ бәйрәме.
Нина Яковлевна тумышы белән Мамадыш районы Владимир авылыннан. Мәктәп елларында математика фәннәрендә зур уңышлар күрсәткәч, укытучысы киңәше белән, Казан шәһәренең финанс-икътисад институтына укырга керә. 1984 елда уку йортын тәмәмлау дипломын алып, туган ягына кайтып китә һәм район финанс бүлегендә контролер-ревизор булып эшкә урнаша.

1999 елларда Республикабызның барлык районнарында казначейства бүлекләре барлыкка килә башлый. Мамадыш райоында бу эшне, икътисад өлкәсендә 15 ел стажы булган, Нина Абрамовага тапшыралар.
Нина Яковлевна “Туганайлар” газетасы белән дә актив хезмәттәшлек итүче кеше. Карендәшебезне, профессиональ бәйрәме белән котлыйбыз!