“Айбагыр” лагерена керәшен этникасы белгече Валентина Максимова килде

Республика буенча җыелган 70 бала Мамадыш районының Соколка авылы янындагы “Кама” балаларны сәламәтләндерү лагере базасында рәхәтләнеп ял итә, халкыбызның культурасы, этникасы буенча белемнәрен арттыра.

Кичәге көн лагерьда театр һәм кино сәнгатенә багышланган. Балаларга актерлык осталыгы буенча мастер-класслар уздырганнар, театральләшкән тамашалар, чыгышлар ясаганнар. Соңыннан балалар кызыл келәмнән узып, “Оскар” стилендә бүләкләү чарасында катнашканнар.

Бүген “Айбагыр”да “Җаваплы көн”. Иртән этносменага керәшен этникасы белгече Валентина Максимова килгән. Ул балаларга керәшеннәрнең баш киемнәре һәм сакланып калган тамгалары турында сөйләгән. Әлеге минутларда айбагырлылар костюмнар конкурсына әзерләнә. Шулай ук, балалар халкыбызның киенү культурасына багышланаган интелектуаль викторина сорауларына да җавап эзлиләр.

“Айбагыр” этносменасы вожатыйлары редакциябезгә фотолар җибәрде