Александр Казанбаев: "Бал маскарадта тәпи юдык"

Моннан 28 ел элек булган Яңа ел бәйрәме күңелдә онытылмаслык булып истә калды. Бал маскарадка дип, клубка чыктым. Өйдә күңелсез, хатынны иртән роддомга озаткан идем. Бәйрәм гөрли, Кыш бабай белән Кар кызы да килде. Шулай, көтмәгәндә-нитмәгәндә, авылдашым, бар утларны кабызып, җыелган халыкны Яңа ел белән котлый башлады. Һәм, шул арада минем якка борылып, “Асан Сашугының малае туган!” дип, клубны яңгыратты. И, китте авылдашларның котлаулары, и китте!.. Төне буе бөтен авыл белән малай тәпие “юдык”. Яшь гаилә, беренче булып малай да тугач, башым күккә тигәндәй булды. Менә шулай итеп, ул елны хатын больницада ятты, ә мин икеләтә бәйрәм ясадым.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.