Зәйдән Лариса Иванова Бөтенроссия конкурсында җиңү яулады

Конкурста рус, татар, мордва, чуваш, урдмурт телен укытучы 56 педагог катнашкан. Лариса Иванова "Рус теле һәм әдәбияты дәресләрендә "QR- кодларын куллану" темасына мастер-класс күрсәтте. Лариса Александровна керәшен хатын кызларының милли киемен яклау биремендә "Кызым белән диалог" формасын оста кулланып, гаиләдә ядкарь буларак сандык төбендә сакланучы әбисенең керәшен күлмәге турында әңгәмә корды. Шулай ук ул үзе кигән милли киемнең үзенчәлекләрен, костюмдагы детальләрнең ролен, баш киеме һәм киемдә рус һәм татар халкы традицияләре чагылышы турында ике телдә матур хикәя төзеп сөйләде.

Лариса - Зәй районы Сарсаз-Баграж авылында туып үскән, шул мәктәпне тәмамлаган. Ул - укытучылар династиясе вәкиле, әтисе Александр Биканов күп еллар Сарсаз-Баграж мәктәбе директоры булып эшләде, әисе Мария Ильинична гомер буе башлангыч сыйныфларга белем бирде, дәдәсе Игорь Александрович Зәйнең 5нче мәктәбе директоры булып эшли.