Туганайлар

Татарстан

18+
2024 - Гаилә елы
Хәбәрләр

Тукай районы Кнәз авылында Көзге бал үтте

Шушы көннәрдә Тукай районы Кнәз авылының мәдәният йортында Көзге бал үтте, дип яза "Якты юл" газетасы.

Бәйрәмебез башланыр алдыннан чарага килгән һәрбер кеше бәйрәм антын әйтте. Аннары бөтенебез бергәләшеп, көзге вальс биюен карап үттек. Кунакларыбыз бик теләп әдәби бәйгедә, «Уңышны бергәләп җыйык», «Кулчатыр белән бергә», «Бүләк белән бию» дигәннәрендә катнашты, бер-берсенә җан атып торды. Моннан тыш Кнәз авылының мәдәният йорты хезмәткәрләре көзге табышмаклар, мәкаль-әйтемнәр, кызыклы викториналар да әзерләгәннәр иде. Бәйрәмгә җыелучылар шулай ук «Кулларны артка бәйләп, кем тизрәк бананнарны ашап бетерә» дигән конкурста да катнаштылар, урындыклар ярдәмендә уздырыла торган бәйге дә кызык кына үтте. Кнәзлеләр бик яратып карбыз белән дә «уйнадылар»: карбызны тотып, гер кебек күтәрделәр, йөгерделәр, тизлеккә ашадылар. Бәйгебезнең һәрбер җиңүчесенә кечкенә генә бүләкләр дә әзерләнгән иде.

Шуны да әйтергә кирәк: уен-көлке арасында бәйрәмдә катнашучылар рәхәтләнеп биеделәр, «Резонанс» (җитәкчеләре Николай Захаров) вокал группасы җырларын тыңладылар. Илдар Сираев, Владимир Веретенников, Ринат Хәйруллин чыгышларын алкышларга күмделәр. Көзге бал бәйрәме, чын мәгънәсендә, уен-көлке, җыр-биюгә бай булды. Бу көнне бәйрәмгә килгән һәркем рәхәтләнеп ял итә алды, дип хәбәр итә Кнәз авылының мәдәният йорты директоры Тамара Тузеева.

Следите за самым важным и интересным в Telegram-каналеТатмедиа

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев