Татарстан Республикасы керәшен иҗтимагый оешмасы җитәкчесе Иван Михайлович Егоровның икенче Керәшен яшьләре Форумына МӨРӘҖӘГАТЕ

Соңгы ике елда керәшен иҗтимагый хәрәкәте зур кү-тәрелеш кичерде. Бу импульсны ике ел элек узган республика керәшен яшьләре форумы бирде. Алдынгы карашлы яшьләребез күп өлкәләрдә үзләрен уңай яктан күрсәтергә өлгерделәр.
Керәшен яшьләренең II форумы республикабызда игълан ителгән тарихи-мәдәни мирас елында уза. Безгә мәдәни һәм рухи байлыкларыбызны барлау, үстерү, этник традицияләребезне һәм культурабызны яңарту юлларын эзләргә, яңа элемтәләр булдырырга тагын бер мөмкинлек туды, дигән сүз.
II форум шәһәр, районнарда төзелгән яшьләр берләшмәләренең артуына, активлашуына, ныгуына нигез булыр, республикадан читтә яшәүче яшьләребезне тарихи тамырларына якынайтыр, дигән өметтә калам.
Яшьләр җыенының Олы көн атнасында узуы үзе бер вакыйга.
Изге сәгатьтә, дуслар! Уңышлар сезгә!