“Сәлам” ансамбле “Җырлыйк әле” тапшыруында кунакта

Лев Толстой исемендәге Казан федераль университетының филология һәм мәдәниара коммуникацияләр институты базасында үтүче Галия Кайбицкая исемендәге III Халыкара вокал осталыгы конкурсында “Сәлам” студент фольклор ансамбле җиңүче дип табылды. Чара Кайбыч районы белән берлектә оештырыла. Әлеге ансамбльнең җитәкчесе профессор, Татарстанның халык, Рәсәйнең атказанган артисткасы Лидия Әхмәтова. Шул уңайдан “Сәлам” ансамбле “Яңа гасыр” телерадиокомпаниясенең “Җырлыйк әле” тапшыруында катнашты. Бу чыгарылыш Татарстан АССРның беренче халык артисткасы Галия Кайбицкаяның иҗатына багышланган иде.

Тапшыруның чыгарылыш көне турында алга таба хәбәр итәрбез, сайттан карап барыгыз.