Поршур авылында чишмә яңартылды

“Чишмәнең суы чиста, ул сусауны гына басмый, тәнгә сихәт бирә, көч кертә”, – дип ышанган безнең әби-бабаларыбыз.
Бүгенге көндә чишмәләргә йөрүләр сирәгәйсә дә (һәркемнең йортында су краннан агып тора), чыганакларга хөрмәт кимеде дип әйтеп булмый. Изге чишмәләр яңартыла, саекмасын өчен сулыкларда чистарту эшләре алып барыла.
16 ноябрь көнне Кукмара районы Поршур авылында да, яңартылганнан соң, чишмә ачу танатанасы узган.
Чишмәне үзара салым акчасына төзекләндергәннәр. Тантанада авыл җирлеге җитәкчесе Николай Михайлов та катнашкан. Ул авылдашларны әлеге вакыйга белән тәбрик иткән һәм чишмәне төзекләндергән кешеләргә рәхмәт белдергән. Тантанада авыл үзешчәннәре матур чыгышларын тәкъдим иткән.