Мәләкәсләр Яшелчә елгасында Качману бәйрәмен уздырган

18 январь төнлә Тукай районы Мәләкәс авылының Яшелчә елгасында Качману бәйрәме үтте. Бу хакта авылның "Питрау" фольклор коллективы җитәкчесе Людмила Адамова хәбәр итә. "Сергей Курочкин башлап йөрде бу изге эшне. Иордан көйләделәр, боздан матур итеп кач та ясадылар, җылы чәй, кайнар коймак, каз итеннән ботка да әзерләнде. Төнге унбер сәгатьтә Николай әти суны аруландыргач, авыл халкы су коенды. Бу чара бик зур, матур бәйрәмгә әйләнде, халыкны тагын бер кат берләштерде", - дип яза Людмила Адамова.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.  Яңалыкларыгызны 89172509795 номерына "Ватсап" аша языгыз.