Кыш бабайдан бүләккә гармун көтәм

Кадерле редакция! Миңа 63 яшь, Чистайда яшим. Шуның 55 елы хромка, тальян гармуннарында уйнап йөрелде. Үзлегемнән өйрәндем. Бәйрәмнәрдә, төрле-төрле конкурсларда катнашам. Гармуным бик яхшы түгел, искерде инде. Яңасын аласы килә, акча җиткереп булмый. Күптән түгел Казанда булдым. "Бәрмәнчек" керәшен ансамбле җитәкчесе Артур Поляков янына кердем. Аларның яңа гармуннары белән уйнап карадым - үзәкне өзде. Мәскәүдә заказ белән ясатканнар икән, 60 мең тора, ди.

Шундый гармунда уйнап йөрисем бик килә. Сез бит күп артистлар белән аралашасыз, газета укучылар арасында байлар да юк түгелдер. Бәлки, хатымны бастырып чыгарсагыз, миңа ярдәм итәрдәй кеше табылыр иде.